＞︷¤鉃魂漁的博客

        等考完试先慢慢执翻

      从沙面翻屋企，本沿江边行去南方大厦搭车。经过西堤码头，窄窄噶通道上排住寥寥无几噶人，对出噶人行道上排住长长噶小贩队伍。我见到有可以过江噶渡轮，就排上寥寥无几噶队伍上面。

      渡轮慢慢靠岸，通道口旁边放住个冷冷噶投币箱，同巴士一样噶是上面同样有个羊城通。几只手同时申向投币箱，挤入通道，急速行上船。“啲”一声后，5毫子，我同样行上船去。

      印象中，坐渡轮已经是好耐之前噶事情，身边是边个，几时已经无晒印象。仅存噶印象，是我仲爬住个护栏，望出面水花，身边噶都是单车。而家上渡轮放住公车上同样噶等，好新同好硬，同渡轮格格不入，人扎住噶唔是单车，变晒手机。

      仲未系回忆中抽回，就过咗对岸，仅仅8分钟。

      手机终于撑唔落去，修修补补好多次，我点都是脱逃唔到手机杀手噶命运。或者呢次算好，手机尚算是“植物人”，未有机会去骑鹤。

       有部新手机，未有机会去兴奋，就要重新输入过电话薄。百几个号码唔算多，但是入起身都是一种痛苦，起码12点开始，而家都未整好。

       每按一次右键，都会有个名出现，发觉好多已经遗忘咗。曾经一齐风风火火有好多，曾经一面之缘也不少。但是咁多年落来，又有几多会系发件人或者来电出现过。好耐之前，或者一次都无。

       一种失败，一种悲哀。过多一年，又或者谋杀多部手时，可以显示噶仲有几多呢。我所希望噶，又几时会浮现呢。浮现时只是幻想，定是仅仅只是偶然。